Liverpooli po mendon për transferimin e Draxlerit

13:54 | 17 Mars 2018
Arbresh.info

Liverpool ka shitur njërin nga futbollistët e saj më të mirë në vitet e fundit.

Philippe Coutinho iu bashkua Barcelonës në janar por klubi anglez nuk e ka zëvendësuar atë me asnjë futbollist. E gjatë afatit kalimtar të verës ‘The Reds’, pritet të bëjnë një goditje të madhe në repartin ofensivë.

Mesfushori i Paris Saint Germain, Julian Draxler është bërë objektivi i Liverpoolit për mesfushën. Trajneri i klubit anglez, Jurgen Klopp e pëlqen shumë lojën e Draxler dhe po kërkon ta transferojë në Afield, shkruan Telegrafi.

24-vjeçari nuk ka pasur këtë edicion shumë hapësira tek PSG dhe ka kërkuar largimin nga klubi. Gjiganti anglez është i gatshëm të shpenzojë deri në 50 milionë euro për transferimin e gjermanit në Ligën Premier.

Kujtojmë që Draxler aktualisht ka kontratë me Parisin deri në verën e vitit 2021 dhe ka një pagë rreth gjashtë milionë euro. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm